P1.2 million nga balor ang suspected shabu na-recover sa drug buy bust operation sa Pavia

ILOILO—Na-recover ang P1.2 million nga balor sang suspected shabu sa drug buy bust operation sa Ungka 1, Pavia kagab-i, Hulyo 18.

Ginkilala ang main target kay Anthony Lapag, 43-anyos sang Q. Abeto, Mandurriao.

Nadakpan man kanday alyas Robert 23-anyos nga taga-Pilar, Capiz; magpakaisa nga alyas Eldon 28-anyos sang Balabag, Pavia; kag alyas Cliff 38-anyos sang Jereos, La Paz.

Suno kay Police Captian Glenn Soliman, head sang Regional Police Drug Enforcement Unit (RPDEU), may mga nagakadto sa lugar agud magpa-car wash pero nagabakal na sang illegal drugs.

Kaina na-recover ang 17 ka sachets sang suspected shabu nga nagabug-at sang 180grams kag may standard drug price nga P1,200,000. Nakuhaan man sang .22 caliber revolver si Cliff.

Base sa record, pareho nga may kaso may kaangtanan sa illegal drugs kanday Anthony , Edlon kag Cliff.

Sa subong gina-check sang police kun diin nagakuha sang supply sang illegal drugs ang apat. — via Aksyon Farrah Mae Morano