Unahan sang van nawasak sang nakabunggo sa pader sang tiyangge sa Tigbauan

ILOILO — Wasak ang unahan nga porsyon sang van sang na-aksidente sa Buyu-an, Tigbauan las-4 kahapon, Hulyo 17.

Suno kay Punong Barangay Warren Briones, halin sa Parar Sur ang van kag pakadto sa Guimbal ang mga sakay sang van agud magtambong sa kasal.

Ginpahayag ni Police Senior Master Sergeant Alfie Alcones, imbestigador sang Tigbauan Municipal Police Station, nga apat lang ang sakay sang van nga nakaagum sang minor injuries.

Nakadanlog ang van kag nagdiretso sa pader sang tiyangge sa kilid sang karsada, suno sa police.

Nawasak ang pader sang tiyagge nga natabuan nga wala sang tawo sa sulod.

Gina-check pa sang police kun nag-overtake gid man ang van sa iban nga salakyan. — via Aksyon Farrah Mae Morano