Fish vendor dakop sa drug buy bust sa Molo

ILOILO CITY— Arestado ang 48-anyos nga fish vendor sa drug buy bust operation i sa Brgy. Calumpang, Molo kagab-i, Hulyo 22.

Suno kay Police Captain Gimel Acuesta, OIC sang Police Station 4, na-monitor ang subject nga si alyas Kapid tungod sa mga reklamo sang mga residente sa iya illegal activities.

Madamo sang tawo nga nagakadto sa subject agud magbakal sang illegal drugs, suno sa police.

Kaina nakuhaan sang 5 grams sang suspected shabu nga nagabalor sang P34,000 ang subject

May ginmitlang nga source sang illegal drugs ang subject nga taga-Mandurriao nga nagatiner man sa Calumpang, suno sa police.

Base sa impormasyon, ginabaligya lang sang subject sa ila nga lugar ang illegal nga druga. — via Aksyon Farrah Mae Morano