Mag-asawa patay sang nagbungguanay ang motorsiklo kag van sa Oton

ILOILO — Lunsay napatay ang mag-asawa nga sakay sang motorsiklo nga nakabunggo sa van sa crossing sang Abilay Sur kag Lambuyao, Oton la-1:30 sang hapon sang Hulyo 22.

Suno kay Lieutenant Colonel Abner Jordan, hepe sang Oton Municipal Police Station, dead-on-arrival sa ospital ang angkas nga asawa samtang napatay samtang ginabulong sa ospital kaina sang kaagahon ang bana nga driver sang motorsiklo.

Sa imbestigasyon, halin sa Brgy. Abilay Sur ang motorsiklo kag padulong sa Brgy. Lambuyao sang nagbungguanay sila sang van nga halin sa Brgy. Tagbak Sur kag pakadto sa Brgy. Pakiad. Nag-abtanay ang duha sa intersection kag nagbungguanay.

Gin-hold sang police ang 55-anyos nga driver sang van, pero gin-release sang naglapse na ang reglementary period. — via Farrah Mae Morano