Salakyan naglapaw sa karsada; 3 ka sakay wala napilasan

ILOILO— Maswerte nga wala napilasan ang driver kag duha ka pasahero sang salakyan nga naglapaw sa karsada sa Brgy. Madarag, San Enrique, la-1:10 sang hapon kahapon, Hulyo 23.

Suno kay Police Master Sergeant Elmer Lamera, imbestigador sang San Enrique Municipal Police Station, padulong sa Passi City ang salakyan nga ginamaneho sang 32-anyos nga lalaki.

Sa imbestigasyon, naglabay ang salakyan sa kurbada nga porsyon sang kalsada kag nadulaan sa kontrol sa manibela ang driver gani naglapaw sa dalan tubtob nagdiretso sa talamnan.

Nakaguwa sa salakyan ang mga sakay, suno sa police. — via Aksyon Farrah Mae Morano