Construction worker nga nagakay-o sang kisame sa eskwelahan sa Miagao patay sang nakuryente
ILOILO— Patay ang 40-anyos nga construction worker sang nakuryente sa Brgy. Kirayan Tacas, Miagao las-10 kahaoon sang aga, Hullyo 24.
Suno kay Police Captain Francis Doanne Lomahan, hepe sang Miagao Municipal Police Station, nagatungtong sa scaffolding ang biktima samtang nagatakod sang kisame sang Miagao National High School.
Grounded ang extension wire nga ginagamit nila sa pag-ubra gani nakuryente ang biktima.
Gintinguhaan pa sang mga upod sang biktima nga salbaron siya pero nagtabog sila, suno sa police.
Ginhingagaw dala sa ospital ang biktima pero gindeklarar nga dead-on-arrival. — via Aksyon Farrah Mae Morano