Smuggled nga sigarilyo na-recover sa balay sang Chinese national sa La Paz

ILOILO CITY — Nakuhaan man sang kinarton sang smuggled nga sigarilyo ang Chinese National sang nagserbe sang search warrant ang 4th Special Operation Unit (SOU) Maritime Group sa Barangay Lopez Jaena Sur, La Paz kagab-i, Hulyo 24.

Suno sa Chinese National nga si James Chiu Chen, 59-anyos, halin sa Manila ang mga sigarilyo nga ginapadala sang kilala niya nga Muslim.

Ginpahayag niya nga mga daan kag damaged na ang iban nga sigarilyo nga ginabaligya sa syudad.

Wala sang business permit ang Chinese National.

Gintadlong man niya nga airsoft gun ang nakumpiskar sang otoridad sa iya.

Una na nga gin-report nga na-recover ang kinarton sang peke nga sigarilyo sa Bo. Obrero, Lapuz. — via Aksyon Farrah Mae Morano