P748,000 nga balor sang suspected shabu na-recover sa Pavia
ILOILO — Daku nga volume sang suspected shabu ang nakuha sa subject nga ginserbihan sang search warrant sa Pavia kaina sang aga, Agosto 9.
Ginhimo sang Station Drug Enforcement Team sang Pavia Police Station upod sa Provincial Intelligence Unit ang operasyon batuk kay alyas Badukoy, 51 anyos sang Purok 4, Pavia.
Ginakabig si Badukoy nga high value individual drug personality kag nalakip sa watchlist sang Barangay Anti-Drug Abuse Council (BADAC).
Na-recover sa subject ang 13 ka sachets sang suspected shabu nga nagabalor sang P748,000.
Ginpasiguro ni Iloilo Police Provincial Office (IPPO) Director, Colonel Bayani Razalan nga wala naga-untat sa pagtrabaho ang kapulisan agud mapabilin ang safety sang pumuluyo sa probinsya. Nagpasalamat man siya sa suporta kag kooperasyon sang mga komunidad. —via IPPO
