Former spokesperson sang Bayan Muna Panay lakip sa mga napatay sa engkwentro sa Calinog
ILOILO – Nakilala na sang 3rd Infantry (Spearhead) Division sang Philippine Army ang lima ka mga ginatudlo miyembro sang rebelde nga grupo nga napatay sa engkwentro sa Barangay Aglonok, Calinog sang Agosto 8.
Suno kay Lieutenant Colonel J-Jay Javines, chief sang Division Public Affairs Office (DPAO) sang 3rd Infantry Division, gin-identify sang mga former rebels ang mga napatay kag sang nakuha na ang mga ngalan gilayon nga ginlab-ut ang mga pamilya.
![](https://aksyonradyoiloilo.com.ph/wp-content/uploads/2024/08/BRYAN-1024x768.jpg)
Lakip sa napatay si Aurelio Berjes Bosque alyas Burnok, Bayjan, Sarco, kag Boy, 57 anyos sang Brgy. Carvasana, Calinog. Suno sa 3rd ID, si Bosque ang miyembro sang Regional Headquarters (RHQ) Executive Command (EXECOM) Komiteng Rehiyon-Panay, kag former spokesperson sang BAYAN-Panay.
Ang iban nga napatay, suno sa 3ID, amo kanday:
2. JOVELYN SILVERIO alias Darlyn, Kaykay, Akay, kag Porang, sang Brgy Patria, Pandan, Antique. Si Silverio ang miyembro sang Regional Sentro de Grabidad (RSDG), Madia-as Platoon. Ginatudlo man siya nga platoon Supply Officer, RHQF, KR-Panay, former Platoon Political Officer sang RSDG, MADIA-AS Platoon sang nabungkag nga Southern Panay Front, kag former PO sang SIBAT Platoon, SF, KR-Panay;
3. ARMANDO ROGELIO SABARES alias Kamlon, Nene, Kulot, kag Nono, sang Brgy Igcaratong, San Joaquin, Iloilo. Si Sabares ang ginatudlo nga miyembro sang Squad 2, RHQF, KR-PANAY kag former member sang EXECOM, Komiteng Rehiyon-Panay. Suno sa 3rd ID, si Sabares ang nagahimo kag naga-install sang IED kag instructor man sa IED operations. Siya ang regional ordnance officer kag expert sa IED operations sa Panay;
4. RUMULO ITURIAGA GANGOSO alias Reagan, Pedik, kag Randay, residente sang Sitio Tuwang-tuwangan, Brgy. Bungsuan, Dumarao, Capiz. Si Gangoso ang anay Commanding Officer sang nabungkag nga Eastern Front, KR-Panay;
5. JIELMOR GAURANOC, alias Doc, Tango, Baron, residente sang Brgy. Aras-asan, Sebaste, Antique. Si Gauranoc ang former member sang Squad 1, Southern Panay Front (D), KR-Panay; former member sang Gaisano Squad, Southern Panay Front (W), KR-Panay; former member sang Mazda Squad, Suzuki (SYP) Platoon, Southern Panay Front, KR-P, kag former member man sang Team 2, Sqd 1, Suyak (SDG) Platoon, Southern Front, KR-Panay.
Na-recover sang mga soldado sa ginluntaran sang engkwentro ang apat ka Assault Rifle, 5.56mm; isa ka Long M16 magazine; duha ka Anti-Personnel Mine (APM); isa ka M203 Grenade Launcher; ammunition; communication equipment; subversive documents; kag mga personal nga gamit.
Nagsugod ang engkwentro sang 12th Infantry Battalion batuk sa gintingub nga puwersa sang Regional Headquarters kag Southern Front, Komiteng Rehiyon Panay sang Agosto 5 tubtob 8.
Yara sa punerarya sa Calinog ang lima ka mga bangkay. —via Maria Kayla Tingzon