PLTCOL Louie Barrientos nga chief sang Community Affairs and Development Office sang ICPO napatay sa cardiac arrest

ILOILO CITY —Napatay sa edad nga 53 si Police Lieutenant Colonel Louie F Barrientos, Chief sang City Community Affairs and Development Office (CCADU) sang Iloilo City Police Office (ICPO).

Sa impormasyon sang ICPO, nagsuprer sang arrhythmia, irregular ukon abnormal heartbeat si Barrientos, kahapon sang hapon, Agosto 11.

Ginakasubo sang bug-os nga ICPO ang gulpi nga pagkapatay ni Barrientos.

Ginkilala siya ni ICPO Director Police Colonel Kim Legada bilang isa ka dedikado kag mapisan nga lider.

Nagsulod si Barrientos sa serbisyo sang 1991, kag gin-promote bilang Police Inspector paagi sa lateral entry program sang 2008.

Abril subong nga tuig, ginkilala man ang achievements ni Barrientos bilang Police Community Relations Chief paagi sa mga programa kag serbisyo sa diin nakabenepisyo ang publiko kag nagpabakod sang relasyon kag pagsalig sang komunidad sa kapulisan.

Si Plt. Col. Louie Barrientos ang bana ni Plt. Col. Lindley Barrientos, Deputy City Director for Administration sang ICPO.

Ginahamyang si Barrientos sa St. Therese Memorial Chapel sa Brgy. San Antonio, Molo. —via Maria Kayla Tingzon/ICPO