Tigbauan ginpa-idalom sa state of calamity tungod sa dengue outbreak

ILOILO — Gin-adoptar sang Sangguniang Bayan sang Tigbauan ang resolution sang Municipal Disaster Risk Reduction and Management Council nga nagarekomendar sa pagpaidalom sa banwa sa state of calamity tungod sa dengue outbreak.

Base sa resolusyon, may 117 ka kaso na sang dengue sa banwa, kag pito na sa 52 ka mga barangays ang may clustering of cases, ukon may masobra duha ka kumpirmado nga kaso sa sulod sang duha ka semana.

Ini amo ang Baguingin, Brgy. Buyu-an, Brgy. Dorong-an, Brgy. Bitas, Brgy. 3 Poblacion, Brgy. 2 Poblacion kag Brgy. Napnapan Norte.

Sa 32nd Morbidity Week Report sang Provincial Health Office, yara na sa 4,595 ka mga kaso sang dengue ang na-record sa bug-os nga probinsiya nga may 10 ka mga napatay, apat ang nalista nga mga bag-o nga napatay.

Mapaguwa sang dugang nga preventive measures si Gov. Arthur Defensor, Jr. agud matapna ang pagdamo sang kaso sang dengue sa probinsiya.

Una na nga nagdeklarar ang Passi City sang state of Calamity. —via Cedrick Anona