Angkar-angkar nahulog sa pil-as sang nakabunggo sa motorsiklo sa Leon

ILOILO — Pareho nga napilasan ang driver sang angkar-angkar kag ang nabungguan nga motorsiklo sa Brgy. Barasan, Leon las-2:20 kahapon sang hapon, Agosto 20.

Suno kay Police Captain John Predic Padilla, OIC sang Leon Municipal Police Station, halin sa Brgy. Lang-og ang angkar-angkar nga ginamaneho sang 24-anyos nga lalaki kag padulong kun tani sa Poblacion.

Sa imbestigasyon sang police, pag-abot sa kurbada nga karsada naglapaw ang angkar-angkar sa iya nga linya kag nakabunggo sa motorsiklo sa pihak nga lane.

Tungod sini, natumba ang motorsiklo nga ginamaneho sang 33-anyos nga lalaki samtang nahulog sa pil-as nga ginabanta 10 metros ang kadalumon ang angkar-angkar kag ang driver sini.

Pareho nga may pilas sa wala nga tiil ang duha ka drivers nga gindala sa ospital. —via Farrah Mae Morano