“Bumper-to-bumper” nga pagpugok sang trapiko sa palibot sang Iloilo Sports Complex ginreklamo

ILOILO CITY — Nagwangal ang mga motorista tungod sa bumper-to-bumper kag halos wala nagahulag nga trapiko halin sa area sang Taft North, Mandurriao padulong sa direksyon sang Injap tower kun maglabay sa service road kaina sang aga.

Ini tungod ginhimo nga one way ang karsada pasulod sa Iloilo Sports Complex sa Magsaysay, La Paz. Ginreklamo sang mga motorista nga wala sila sang nakit-an nga mga traffic aides sa karsada.

Sa nahibaluan, ginhiwat sa Sportx Complex ang pay-out sang nagkalain-lain nga financial assistance halin sa pondo sang Uswag Ilonggo Party-list.

Lakip sa mga bisita sa pay-out kanday Congresswoman Camille Villar, DILG Secretary Benjamin Abalos, Jr., kag PNP Chief Rommel Francisco Marbil.