“Medyo indi pa [ko] makapati nga makita ko ang pangalan ko sa list of topnotchers” —Lourcynth Jade Pineda, top 4 sa August 2024 Psychometrician Licensure Examination

Suno kay Pineda, wala siya nagdumdom nga mangin isa siya sa mga makakuha sang mataas nga passing rate sa pasinawan tungod wala siya nakahibalo kun paano nagpreparar ang iban pa nga mga nagkuha sang exam.

Dugang niya, ginhimo niya lang ang iya masarangan samtang nagasabat siya sang mga pamangkot sa exam kag nagpangamuyo nga makasapar.

Plano subong ni Pineda nga magkuha sang master’s degree agud magin psychologist sa pila ka adlaw.

Tumandok sag Dulonan, Arevalo si Pineda kag Top 4 sa nasambit nga pasinawan nga may 86.60% nga passing rate.