Delivery truck nagtakilid sa Diversion Road
ILOILO CITY — Nagtakilid sa tunga sang dalan ang delivery truck sang isda sa Diversion Road, sa Brgy. San Rafael, Mandurriao subong nga hapon.
Suno sa driver sang delivery truck, halin pa sa Roxas City, Capiz ang truck nga may karga sang isda kag pakadto sa fishing port.
Nakakas ang stag bolt sa goma sang truck rason nga nagtakilid.
Wala sang may naulamid sa aksidente.
Naka-eksperyensya naman sang pagpugok sa trapiko halin sa direksyon sang Ungka pakadto sa Iloilo City tungod sa aksidente. —via Paula Jane Elambayo
