2 ka lalaki nadakpan nga nagapangawat sang kable sang telco sa sulod sang imburnal sa City Proper

ILOILO CITY — Nadakpan sang mga pulis ang duha ka lalaki nga nagapangawat sang kable sang telecommunication company sa sulod sang imburnal sa Mabini-Delgado Streets, City Proper las 7:07 subong nga aga.

Sa impormasyon sang Aksyon Radyo Iloilo news team, may nakakita nga guwardiya sang establisemento nga may mga lalaki nga nagpanaug sa imburnal kag may nagatulod man sang service truck pakadto sa Valeria Street.

Gin-report sang guwardiya sa mga pulis ang insidente rason nga ginrespondehan. Apang madasig nga nagpalagyo ang mga lalaki sang nakita ang mga pulis kag duha lang ang nadakpan.

Yara na sa custody sang City Proper police ang mga suspetsado nga lunsay mga pangayaw.

May na-recover man nga mga kagamitan sa service truck sang mga suspek. — via Aksyon Cedrick Anona