Convenience store sa Pavia, Iloilo ginkawatan

ILOILO — Ginkawatan ang convenience store sa Aganan, Pavia subong nga aga.

Suno kay PMaj. Dadje Delima, hepe sang Pavia Police Station, base sa ila pagpangusisa, pasado las-6 sang aga sang may nagsulod sa convenience store nga lalaki kag nagpakuno-kuno mabakal sang eco bag kag wine.

Samtang ginahikutar sang saleslady ang nasambit nga mga items, naggabot sang pusil kag nagdeklarar sang hold-up ang lalaki.

Ang kabahin sang CCTV footage sa suspek | via Pavia MPS

Ginpasulod sang suspek sa storage room ang nagabantay samtang ginatayaan sang pusil.

Suno sa pulis, sang nabatyagan sang saleslady nga nakalakat na ang lalaki, gilayon niya gin-check ang kaha kag nahibaluan nga nataban ang nagalab-ut P6,000 nga benta.

Padayon pa ang hot pursuit operation sang kapulisan sa suspek. —via Justice Savvanah Pamplona