Building sa Mandurriao gindesignar ni PBBM nga Special Economic Zone

ILOILO CITY – Gindesignar ni President Ferdinand Marcos, Jr., ang The Grid, building nga nahamtang sa Mandurriao, Iloilo City, bilang special economic zone (SEZ).

Sa idalom sang Proclamation 668 nga ginpaguwa sang presidente sang Agosto 27, ang The Grid sa Donato Pison Avenue sa Brgy. San Rafael kag ang 2,334-square-meter property sa diin ini nagatindog, ginhimo nga SEZ.

Santu sa Special Economic Zone Act, gina-define ang SEZ bilang “selected areas with highly developed or which have the potential to be developed into agro-industrial, industrial tourist/recreational, commercial, banking, investment, and financial centers.”

Suno sa Philippine Economic Zone Authority (PEZA), may yara sang 419 economic zones sa pungsod as of Abril 2023, lakip na ang 297 information technology parks kag centers. Ginamanduan ang PEZA nga i-promote ang establisemento sang economic zones sa pungsod para sa foreign investments.