Balay sa Arevalo nasunog

ILOILO CITY — Napuhag ang mga residente sa San Jose, Arevalo sang nasunog ang isa ka balay pasado las-dos kaina sang hapon.

Ginapanag-iyahan sang pamilya Tendencia ang balay.

Ginsaysay ni Grace Tendencia nga nagatan-aw sila sang telebisyon sa sala sang nakapanimaho nga may nagakasunog.

Sang gin-check sang ila helper, nakita ang gamay pa lang nga kalayo sa likod.

Gintinguhaan pa ni Grace nga mapalong ang kalayo gamit ang fire extinguisher pero nahubsan ini kag nagdaku na ang kalayo gani ginhingagaw niya na lang pagguwa ang iya amay nga senior citizen kag iban pa nga mga kaupod sa balay.

Gina-imbestigaran pa sang BFP kun ano ang ginhalinan sang kalayo. —via Paula Elambayo/Marvin Malificiar