3 ka sachets sang suspected shabu nakita sang street sweeper sa Brgy. Our Lady of Fatima, Jaro

ILOILO CITY — Posible nawigit sang mga naga-illegal nga transaksyon ang tatlo ka plastic sachets sang suspected shabu nga nakit-an sang street sweeper sa Brgy. Our Lady of Fatima, Jaro kahapon sang aga, Settembre 7.

Ini ang ginasundan nga anggulo ni Police Major Eduardo Siacon, Jr., officer-in-charge sa Police Station 9.

Suno kay Siacon, subject for validation ang nakit-an nga suspected shabu nga ginpadala na sa crime laboratory para i-test.

Ginpahayag ni Siacon nga malayo nga lakip sa operasyon sang City Drug Enforcement Unit sang nagligad nga inadlaw ang nakit-an nga sachets. Dugang niya, malayo man nga wala ini makita sang mga operatiba sang nag-operate sila.

Ginabanta sa 10 ka metro ang kalayuon sang kalan-an kun diin nakita ang tatlo ka sachets sa bakante nga lote nga lugar sang buy bust operation sang Huwebes. — via Aksyon Paula Elambayo