[Warning: Sensitive content] Bangkay sang babaye nga hublas, wala sang ulo kag magtimbang nga kamot nakit-an sa baybayon sang Sebaste, Antique

ANTIQUE— Nasapwan ang bangkay sang babaye nga hublas, wala na sang ulo kag magtimbang nga kamot sa baybayon sang Brgy. Aguila, Sebaste las-8 kaina sang aga.

Suno kay Police Capt Harry Jhun Amar, OIC sang Sebaste Municipal Police Station, nakita lang sang mga residente ang naanod nga bangkay sa baybayon kag wala na sang bayo.

Yara na sa advanced state of decomposition ang bangkay kag utod na ang ibabaw nga parte sang iya nga lawas halin sa ilok, suno sa police.

Wala pa nahibaluan kun diin naghalin ang bangkay tungod padayon pa nga ginahibalo sang police.

Gina-verify man sang police kun halin ang bangkay sa patyo nga ginabanta 25 meters ang kalayuon sa diin nakita ang lawas.

Ginpahayag ni Captain Amar nga sang nagligad nga wala pa naglain ang tiyempo naga-amat amat na guba ang mga pantyon nga malapit sa dagat.

Nagapadayon pa ang imbestigasyon sa insidente. — via Aksyon Farrah Mae Morano