P1.3 million nga balor sang suspected shabu na-recover sa buy bust sa Molo

ILOILO CITY — Na-recover sang kapulisan ang P1.3million nga balor sang suspected shabu sa drug buy bust operation sa Brgy. North Baluarte, Molo kahapon, Setyembre 17.

Lima ka construction workers kag isa ka foreman sang construction site sa amo nga barangay, ang nadakpan sa operasyon sang City Drug Enforcement Unit (CDEU).

Subject sang operasyon si alyas Greg, 28–anyos nga foreman kag residente sang Rizal Pala Pala 1, City Proper; kag alyas John John, 31-anyos nga taga-Bacolod City.

Magluwas sa ila, may apat pa gid ka construction workers nga natyempuhan mabakal sang illegal drugs ang nadakpan.

Suno kay Police Captain Ryan Christ Inot, team leader sang CDEU, si John John ang nagakuha sang supply sang illegal drugs sa Bacolod City kag si Greg ang naga-distribute sa mga construction workers.

Magluwas sa mga nadakpan sa operasyon kaina, posible may mga nagabakal pa gid nga iban nga construction workers sa foreman, suno sa police.

Na-recover ang 195 grams sang suspected shabu sa operasyon. — via Aksyon Farrah Mae Morano