“This is the battle of David vs Goliath” — retired PMaj Charlie Sustento sa pagbunggo niya sa mga Biron sa pagka-Kongresista sa 2025 midterm elections
ILOILO — Madamo sang problema nga ginapangatubang ang fourth district sang Iloilo nga dapat na masolusyonan.
Ini ang rason ni retired Police Major Charlie Sustento nga mapadalagan siya sa pagka-kongresista sa fourth district sa 2025 midterm elections. Suno kay Sustento, nag-agi sa konsultasyon kag madamo ang nagatulod sa iya nga magbunggo sa pamilya Biron nga madugay na nagagahom sa kwarto distrito.
Ginpanindugan ni Sustento nga wala sang pagsanyog sa distrito kun basehan ang mga infrastructure project. Pigado man suno sa iya, ang health services kag nagalihu-liho ang mga taga-kwarto distrito kun diin sila mangayo sang bulig.
Bisan wala pa sang eksperiensiya sa pulitika, kumpyansa si Sustento nga madamo siya sang may mahimo tungod nangin public servant siya sang pila ka mga tinuig.
Ginpasiguro man niya nga halos kumpleto na ang iya linyada kag may mga napilian na nga mga lideres sa nagkalain-lain nga banwa sa fourth district.
Tawgon ang ila grupo nga “Team CUATRO” nga ang buot silingon:
C – Collaboration in the fight against corruption and other illegal activities
U – Unity among stakeholders and community
A – Accountability for actions and decisions
T – Transformation of system and mindset
R – Resilience in overcoming challenges
O – Optimism for brighter future
