Bangkay sang wala makilala nga lalaki nakit-an nga nagalutaw sa kadagatan sang Banate
ILOILO — May nakit-an nga bangkay sang lalaki nga nagalutaw sa kadagatan mga 7 kilometros ang kalayuon sa baybayon sang Poblacion, Banate.
Suno kay Police Captain General Enrique Robles, hepe sang Banate Municipal Police Station, naga-conduct sang seaborne patrol ang Municipal Bantay dagat sang nakita ang bangkay nga nagalutaw mga las-3:32 sa hapon.
Yara na sa advanced state of decomposition ang bangkay kag wala sang nakita nga mga pilas sa lawas, suno sa police.
Ginabanta sa tatlk tubtob apat na ka adlaw ang bangkay sa tubig.
Sa pagpangusisa sang doktor suno sa police, nalumos ang bangkay kag ginahibalo pa sang police kun ano ang natabo sa iya antes sini.
Nakasuksok sang light yellow nga shorts, t-shirt nga itom kag ginabanta mga 5”4 ang kataason.
Ginapanawagan sang police sa mga nadulaan sang himata nga mag-coordinate lang sa ila agud ma-identify ang bangkay.– via Aksyon Farrah Mae Morano
