3 ka salakyan ni Tobias Fornier, Antique Ernesto Tajanlangit nasunog

ANTIQUE- Nasunog ang tatlo ka salakyan sa garahe sang balay ni Tobias Fornier Mayor Ernesto Tajanlangit sa Brgy. Pacencia, Tobias Fornier Antique pasado la-1:00 kaina sang kaagahon.

Suno kay FO2 Carlos T. Montenegro, fire investigator sang Tobias Fornier Fire Station, nakabaton sila sang tawag halin sa personnel sang Municipal Disaster Risk Reduction and Management Office nga may sunog.

Pag-abot sa area, nagakasunog na ang salakyan sa garahe nga una nakit-an sang bodyguard ni Tajanlangit.

Totally damaged ang Hummer kag Mustang nga salakyan nga ginapanag-iyahan ni Mayor Ernesto Tajanlangit kag ang Suzuki Ertiga nga ginapanag-iyahan sang utod ni Tajanlangit.

Wala sang may napilasan sa natabo kag padayon nga gina-imbestigaran sang BFP-Tobias Fornier ang ginhalinan sang kalayo. — via Aksyon Paula Elambayo