Mangunguma patay sang nakabunggo ang ginamaneho nga motorsiklo sa naga-park nga trailer harvester sa Oton

ILOILO – Patay ang 49-anyos nga lalaki sang nakabunggo ang ginamaneho nga motorsiklo sa naka-park nga trailer harvester sa Brgy. Mambog, Oton kagab-i.

Suno kay Police Staff Sergeant Rosenie Agutaya, imbestigador sang Oton Municipal Police Station, papuli na halin sa balay sang iya abyan ang lalaki sang natabo ang aksidente.

Sa pagpangusisa sang police, naka-park sa dalan ang trailer harvester nga wala sang early warning device nga nabutang.

Nakabunggo sa kilid sang trailer harvester ang motorsiklo sang lalaki suno sa police.

Madulom ang lugar tungod wala sang streetlight kag malaka ang pamalay suno sa police.

Patal nga pilas sa ulo ang naagum sang lalaki nga gindala sa ospital pero napatay. — via Aksyon Paula Elambayo