11-anyos nga lalaki patay sang nalumos sa Guimbal
ILOILO— Patay ang 11-anyos nga lalaki sang nalumos sa suba nga sakop sang Bagumbayan, Guimbal la-1 sang hapon.
Suno kay Lt Lario Esposo, deputy chief of police sang Guimbal Municipal Police Station, pagkatapos panyaga sang biktima, nagbisiklita siya upod ang isa pa ka 11-anyos nga lalaki padulong sa dike.
Sa pagpangusisa sang police, nagsaka sa dike ang biktima kag naglumpat sa suba pero tungod sang kadalumon sang tubig, nalumos siya.
Gintinguhaan pa sang 11-anyos nga salbaron ang biktima pero wala nakabulig tungod sang mataas nga level sang tubig, suno sa police.
Nagpangayo sang bulig ang 11-anyos sa naglabay nga motorista nga amo ang nag-report sa police kag napalab-ut sa responders.
Ginhingagaw pa dala sa ospital ang biktima pero gindeklarar nga dead-on-arrival. — via Aksyon Farrah Mae Morano