Pagrungkab sa e-tap machine sa guwa sang mall sa City Proper inside job — Pulis

ILOILO CITY — Inside job ang pagpangrungkab sang e-tap machine sa guwa sang The Atrium mall sa City Proper kahapon sang aga sa diin nakuha ang masobra P300,000.

Suno kay Police Captain Roque Gimeno III, hepe sang Iloilo City Police Station 1, empleyado sang e-tap ang tatlo ka mga suspects kag may ihibalo sa pagmanipular sang machine ang mastermind nga ginkilala kay Artiston Solis, Jr. tungod siya ang naga-isip sang kwarta antes i-deposito sa bangko.

Nadakpan sa Pavia ang naga-drive sang motorsiklo nga ginsakyan ni Solis pakadto sa lugar samtang sa Jaro nadakpan ang driver sang awto nga nagserbe getaway vehicle.

May apat pa ka John Does ukon wala pa makilal-an nga indibidwal nga may partisipasyon man sa krimen nga ginasundan ang police nga nagserbe nga lookout kag nag-clearing sa lugar. — via Aksyon Maria Kayla Tingzon