IPPO Naka-full alert sa palaabuton nga piyesta minatay

ILOILO– Naka-full alert status na ang Iloilo Police Provincial Office (IPPO) para sa nagahilapit nga piyesta minatay.

Suno kay Police Major Rolando Araño, spokesperson sang IPPO, may ipahamtang nga police assistance desk sa mga patyo agud magmentinar sang seguridad sa mga mabisita sa ila himata.

Dugang pa ni Araño, may mga police man nga mabantay sa mga screening areas para sa mga nagapasulod sa patyo.

Ginapahanumdom naman sang kapulisan nga ginadumilian ang pagdala sang mga matalom nga bagay, baraha, makahulubog nga ilimnon kag speakers.

Magasugod ang deployment sang IPPO halin Oktubre 29 tubtob Nobyembre 4. — via Aksyon Paula Elambayo