Barangay tanod patay sang natiruhan ang kaugalingon sa Mandurriao
ILOILO CITY- Patay ang 47-anyos nga barangay tanod sang aksidente nga natiruhan ang kaugalingon sa Brgy. Tabucan, Mandurriao pasado las-5 kahapon sang kaagahon, Oktubre 30.
Suno kay PCapt. Val Cambel, hepe sang Police Station 10, pasado las-3 kaina sang kaagahon sang nagpauli ang tanod halin sa duty antes ang insidente.
Sa pagpangusisa sang police, may dala nga revolver ang tanod kag ginahimos niya na sang aksidente nga naglupok.
Naigo ang tanod sa tuo nga parte sang ulo kag naglapos ang bala suno sa police.
Gindala sa ospital ang barangay tanod mga pasado las-5 kaina sang kaagahon pero las-8 kaina sang aga sang gindeklarar nga napatay.
Ipaidalum pa sa ballistic examination ang pusil nga na-recover sa lugar agud mahibaluan kun rehistrado ini. — via Aksyon Paula Elambayo
