Manghod patay sang ginlampusan sang tubo sa ulo sang iya magulang sa Cabatuan

ILOILO– Patay na sang nasapwan ang 32-anyos nga lalaki sa Brgy. Janipaan Central, Cabatuan sang Nobyembre 1.

Suno kay PCapt. Aileen Lacrite, officer in charge sang Cabatuan Municipal Police Station, nag-inum-inom sa ila balay ang biktima, upod ang iya magulang kag ila abyan Huwebes sang gab-i.

Sa imbestigasyon sang police, may komosyon nga natabo sa tunga sang manghod kag sang iya magulang.

Pagresponder sang police sa lugar, nagahapa na sa katre ang 32-anyos nga manghod kag may pilas sang pagkalampos sang matig-a nga bagay sa likod sang iya ulo.

Nag-surrender naman sa barangay kapitan ang suspect.

Detained sa Cabatuan Police Station ang suspect samtang ginahulat ang desisyon sang pamilya kun pasakaan siya sang kaso. — via Aksyon Paula Elambayo