3 patay sang nagbungguanay ang fuel tanker kag tricycle sa Banate
ILOILO — Patay ang driver sang tricycle kag duha sa tatlo niya ka mga pasahero sang nakabunggo sa fuel tanker sa Barangay Carmelo, Banate mga kahapon sang aga, Nobyembre 4.
Suno kay Police Master Seargent Jhan Baylon, imbestigador sang Banate Municipal Police Station, nag-overtake ang tricycle sa ginsundan nga motorsiklo gani naglapaw ini sa lane sang fuel tanker nga nagasumalang.
Gindala pa sa Barotac Viejo District Hospital ang mga sakay sang tricycle pero gindeklarar nga dead on arrival ang driver nga si Ariane San Miguel kag pasahero nga si Rodolfo Bachar.
Gin-refer naman ang isa sa mga pasahero nga si Rosana Barba sa Iloilo Provincial Hospital sa Pototan pero napatay pag-abot.
Pilason ang pasahero sang tricycle nga si Armefer Bactung nga ginabulong na sa ospital. Wala napilasan ang driver sang tanker nga si Joecie Biana.
Wasak ang windshield kag bumper sang tanker samtang nagbulag ang motorsiklo kag sidecar tungod sa impact.
Yara sa kustodiya sang Banate police ang tanker kag driver. — via Aksyon Maria Kayla Tingzon
