6 ka LGUs sa Iloilo province ginkilala nga national awardees sa 2024 ADAC Performance Audit sang DILG 6

Anum ka mga local government units sa probinsya sang Iloilo ang nalakip sa 12 ka mga LGUs sa Western Visayas nga ginkilala nga national awardees bilang best performing anti-drug abuse councils sang Department of the Interior and Local Government (DILG) 6.

Ginhimo ang pagkilala sa ginhiwat nga 2024 ADAC Performance Audit sang ahensya.

Ang mga LGUs sang Iloilo province amo ang Passi City, Guimbal, Calinog, Lambunao, San Miguel, kag Zarraga.

Nalakip sa 12 ka LGUs ang Moises Padilla, Victorias kag Silay Cities sa Negros Occidental; President Roxas sa Capiz; kag Banga kag Lezo sa Aklan.

Ginbasehan sang award ang compliance sang mga LGUs sa pagtukod sang anti-drug abuse council, kag pagpatuman sang anti-illegal drug initiatives kag interventions. — via DILG 6