Christmas lighting ceremony sa Iloilo City Hall, New Year countdown balantayan

ILOILO– Balantayan ang hiwaton nga Christmas Lighting Ceremony sa Iloilo City Hall kag New Year Countdown.

Ini sang ginplastar sang Iloilo City Meetings, Incentives, Conventions, and Exhibitions (MICE) Center ang mga aktibidad para sa holiday season.

Suno kay Leny Ledesma, Executive Assistant for Special Projects and Marketing Lead sang Iloilo Gastronomy Technical Team, las-6 sa gab-i sa Disyembre 16 hiwaton ang Christmas Lighting Ceremony sa diin makita sa city hall facade ang nagkalain-lain nga Yuletide stories kag Nativity scenes.

Mabatian man ang Iloilo City Choir sa tiun sang aktibidad.

Samtang, masaksihan man sa Muelle Loney, City Proper ang pyrotechnic display para sa New Year Countdown.

Ma-hire ang City Government sang specialists para sa 15-minute fireworks display. May banda man sa Iloilo Freedom Grandstand halin las-9 sa gab-i sa Disyembre 31.

Sang weekend, may ginhiwat nga Calle Real Street Night Market nga panugod sang selebrasyon sang syudad para sa Paskuwa.