Security guard patay sang ginbuno sang trabahador sang dressing plant sa Leganes
ILOILO — Patay ang gwardiya sang ginbuno sang kaupod niya sa obra nga personnel sang dressing plant sa Brgy.Nabitasan, Leganes, Sabado sang gab-i. Nobyembre 23.
Ginkilala ang biktima kay Joven Porcado, 36-anyos sang Brgy. Tamboilan, Dumangas samtang ginatudlo nga nagbuno si alyas JR, 21-anyos sang Batad, Iloilo
Suno kay Police Captain, General Enrique Robles, hepe sang Leganes Municipal Police Station, nag-ugat ang pagpamuno sang ginpasibangdan sang biktima ang suspek nga nagkuha sang iya kwarta nga ginbilin sa guwardiya.
May nagluntad nga pagba-isay tubtob nagkuha sang kutsilyo si JR kag ginbuno ang biktima.
Gin-agaw sang upod ni JR nga si Leo ang pusil sang gwardya rason nga wala na nakabato ang biktima.
Gintinguhaan pa nga magtambag sa gamo ang mga kaupod nila sa ulubrahan.
Nakaagum sang apat ka buno sa likod kag duha sa dughan ang biktima nga gindala pa sa ospital apang gindeklarar nga dead-on-arrival.
Nagsungka sa kapulisan sanday JR kag Leo.
Kaso nga homicide ang posible atubangon ni JR kag accessory to the crime of homicide naman si Leo. — via Trainee Reporter Ivan John Villa
