57-anyos nga maestro gin-aresto sang nadakpan nga nagapangling-ling sa nagapaligo nga maestra sa Provincial Boy Scouts Jamboree sa Calinog
ILOILO– Arestado ang 57-anyos nga maestro sang nadakpan nga nagpangling-ling sa nagapaligo nga maestra sa CR sang Provincial Scouts Jamboree sa Brgy. Libot, Calinog sang Nobyembre 25.
Suno kay Police Major Myles Dieron, hepe sang Calinog Municipal Police Station, las-8:40 sang aga sang nagpaligo sa makeshift nga CR nga human sa trapal ang maestra.
Ginpahayag sang police nga samtang nagapaligo nakit-an sang maestra ang cellphone sang nagduko siya sa idalum.
Tungod sini, dali-dali nga nagpangayo sang bulig ang maestra kag gin-citizen arrest ang maestro tubtob nagtawag sang police agud respondihan ang insidente.
Pasado las-9 na sa aga sang nakaabot ang police sa lugar kag gin-aresto ang maestro.
Ginpasakaan sang kaso sa paglapas sa Republic Act 11313 ukon ang Safe Spaces Act ang maestro pero nakapiyansa, kaina sang aga.
Sang ginpamangkot sang police ang maestro kun ngaa nahimo niya ang panglingling, wala siya sang direkta nga sabat kag sa baylo, nagpangayo na lang siya sang pasaylo. — via Aksyon Paula Elambayo
