DepEd Iloilo gin-athag nga non-teaching personnel ang nagreklamo batok sa 57-anyos nga maestro nga nag-video sa iya samtang nagapaligo sa Jamboree Camp Site

ILOILO– Non-teaching personnel ang 31-anyos nga babaye nga gin-report ginling-ling kag ginkuhaan sang video sang maestro samtang nagapaligo sa makeshift CR sa nagapadayon nga 2024 Boy Scouts of the Philippines Provincial Jamboree sa Camp Hinilawod de Calinog.

Ini ang gintadlog ni Mr. Leonil Salvilla, spokesperson sang Schools Division of Iloilo. Una nga gin-repot nga maestra ang tagreklamo.

Suno kay Mr. Salvilla, support staff ang item sang tagreklamo nga scouter sa amo nga camping.

Ginpa-athag sang DepEd Iloilo nga manunudlo ang una nila nga gin-label sa tagreklamo pero ulihi sang na-verify nga ang iya nga item yara sa support staff ukon non-teaching personnel sang DepEd.

Padayon nga gina-imbestigaran sang DepEd ang insidente. — via Aksyon Marvin Malificiar