Driver sang motorsiklo patay sang nakabunggo sa angkar-angkar sa Tigbauan
ILOILO — Patay ang driver sang motorksiklo sang nakabunggo sa angkar-angkar nga may karga nga salsalon nga tubo sa Brgy. Poblacion, Tigbauan las 12:45 kahapon sang hapon, Nobyembre 27.
Ginkilala ang driver sang motorsiklo kay alyas Alex, 23-anyos sang Tubungan samtang ginkilala ang driver sang angkar-angkar kay alyas Denmark, 32-anyos sang Guimbal.
Suno kay Police Captain Alfred Mansoy, OIC sang Tigbauan Municipal Police Station, paguwa sa mayor nga karsada halin sa tinda ang angkar-angkar kag maliko kuntani pa-wala padulong sa Guimbal nga direksyon sang nag-overtake ang motor nga halin sa Guimbal kag padulong sa Iloilo City.
Na-igo sang tubo ang liug sang biktima nga ginabanta nagalaba sang 20 feet.
Gindala pa sa ospital ang biktima apang gindeklarar nga dead-on-arrival.
Yara sa kustodiya sang Tigbauan Municipal Police Station ang driver sang angkar-angkar. — via ARI Trainee reporter Ivan Villa
