Driver sang motorsiklo patay sang nakabunggo sa truck sa Dumangas
ILOILO — Dead-on-arrival sa ospital ang 59-anyos nga driver sang motorsiklo nga nakabunggo sa truck sa Brgy. Balabag, Dumangas pasado las-6 kagab-i, Disyembre 2.
Suno kay Police Master Sergeant Efren Gonzaga Jr., imbestigador sang Dumangas Municipal Police Station, nagliko pa wala ang ten-wheeler truck sang nakabunggo ang motorsiklo sa likod.
Papuli na sa Dumangas ang driver sang motorsiklo kag madasig ang pagpadalagan, suno sa police.
Tungod sa impact sang pagkabunggo, nahanog ang dughan sang driver nga gintunaan sang iya pagkapatay.
Detained sa Dumangas Police Station ang driver sang truck. — via Aksyon Paula Elambayo
