Maestra patay sang nabungguan sang awto ang ginamaneho nga motorsiklo sa Leon
ILOILO– Dead-on-arrival sa Aleosan District Hospital ang 33-anyos nga maestra sang nabungguan sang awto ang ginamaneho nga motorsiklo sa Brgy. Isian Norte, Leon kagab-i, Disyembre 2.
Suno kay Police Captain Martin Pugales, officer-in-charge sang Leon Municipal Police Station, pareho nga pakadto sa direksyon sang Poblacion ang motorsiklo kag ang awto antes ang insidente.
Sa imbestigasyon sang police, nabungguan sang awto ang likod nga porsyon sang motorsiklo rason nga natumba kag nayudyod.
Madasig ang pagpadalagan sang 30-anyos nga driver sang awto, suno sa police.
Nakaagum sang madamo nga pilas sa lawas kag sa ulo ang maestra nga nangin rason sang iya kamatayon.
Detained sa Leon police station ang driver sang awto. — via Aksyon Paula Elambayo
