Honest guard sang SM City Iloilo ginhatagan sang Honesty Award of the Year sang Brotherhood of Christian Businessmen and Professionals

Ginpasidunggan paagi sa paghatag sang Honesty Award of the Year kag Certificate of Recognition si Security Guard (SG) Joemarie Paredes sang SM City Iloilo nga nagbalik sang bag nga nakit-an niya sa food court sang mall samtang naga-routine inspection sang Septiyembre 20, 2024.

Ang bag may unod nga P372,500.00 kag ginpangitaan sang pamaagi ni SG Paredes nga mabalik ini sa tag-iya.

Ang pagkilala naghalin sa Brotherhood of Christian Businessmen and Professionals (BCBP) Molo Chapter kag ginhatag kay SG Paredes sang Nobyembre 30.

Ini kabahin sang tradisyon sang BCBP nga nagahatag sang pagkilala sa mga indibidwal nga nagpakita sang maayo nga hinimuan kag pamatasan sa ila nga obra kag ulobrahan.

Magluwas diri, ginpasidunggan man si SG Paredes sa ginhiwat nga General Assembly and Formation sang SM City Iloilo sang Nobyembre 29.

Saludo kami sa imo, Security Guard Paredes! — via Aksyon Marvin Malificiar