Special Investigation Task Group gintukod agud mag-imbestigar sa pagpatay sa Punong Barangay Michelle Lamela kag iya bana sa Dueñas
Nagtukod sang Special Investigation Task Group (SITG) ang Iloilo Police Provincial Office (IPPO) agud mag-imbestigar sa pagpatay kay Sto. Niño, Dueñas Punong Barangay Michelle Lamela kag iya bana nga si Rodney sang Disyembre 5.
Suno kay Police Major Rolando Araño, spokesperson sang IPPO, katuyuan sang SITG nga mapadasig ang pag-imbestigar sa krimen.
Lakip sa mga ginasundan nga motibo sa krimen ang daan nga hiligut-anon sang na-involve sa shooting incident sang Septiyembre 2008 si Rodney sa Dueñas.
Wala man ginadula sang police ang motibo nga political rivalry tungod incumbent Punong Barangay ang asawa nga Lamela, kag may pumuluyo sang barangay nga nagreklamo sang wala ginhatagan sang Barangay certification.
Nagapadayon ang pagtipon sang mga ebidensiya sang kapulisan nga makabulig sa madasig nga pagdakop sa mga suspect nga una nakapalagyo sa direksyon sang Dingle.– via Aksyon Maria Kayla Tingzon
