20 ka primary care facilities sa Iloilo province ginhatagan sang license to operate
Mahimo na nga maka-operate ang dugang nga 20 ka mga primary care facilities sa probinsya sang Iloilo.
Ini sang ginhatagan na sang Department of Health (DOH) sang license to operate ang mga pasilidad nga nahamtang sa Pototan, Tubungan, Concepcion, Batad, Mina, Lemery, Barotac Viejo, Balasan, Dumangas, Badiangan, Leganes, Carles, San Joaquin, Lambunao, Ajuy, Zarraga, Barotac Nuevo, Alimodian, Pavia kag San Enrique.
Ginabasehan sang DOH sa paghatag sang lisensya amo nga nalab-ut sang pasilidad ang safety, quality, kag accessibility standards.
Lakip sa mga requirements sa DOH ang may nagaka-igo nag infrastructure kag medical tools; may licensed health workers lakip ang DOH-certified Primary Care Workers; may consultations, health promotion, minor procedures, kag referrals nga serbisyo; kag may mga posila sa infection control, waste, kag records management.
Padayon ang pag-comply sang iban pa nga LGUs sang mga requirements sa DOH. Target sang provincial health office nga mahatagan sang lisensya ang 43 tanan ka LGUs sa 2025.
