7 ka simbahan sa idalum sang Archdiocese of Jaro mahimo mabisitahan sa 2025 Jubilee Year of Hope
ILOILO — Pito ka simbahan sa idalom sang Archdiocese of Jaro ang puwede mabisitahan para mag-pilgrimage sa masunod nga tuig nga bukas sa mga indibidwal ukon grupo.
Ini bilang kabahin sang aktibidad sa 2025 Jubilee Year of Hope, suno kay Fr. Angelo Colada, director sang Social Communications Office sang Archdiocese sang Jaro.
Lakip diri ang National Shrine of Our Lady of Candles Saint Elizabeth of Hungary Cathedral sa Jaro; Saint Thomas of Villanova Parish sa Miagao; St. Michael the Archangel Parish sa San Miguel, Jordan, Guimaras; San Nicolas de Tolentino Church sa Cabatuan; Patronage of St. Joseph Parish sa Pototan; Saints Peter and Paul the Apostles Parish sa Barotac Viejo; kag Holy Rosary Chapel sang Dominican Sisters sa Molo.
“Dapat sa pagbisita nila indi lang nga magkadto didto para maglantaw sang simbahan kundi may guide nga pangamuyo para sa ila ukon may available nga mga lay nga makahatag sang catechesis about sa Jubilee Year of Hope,” suno pa kay Father Colada.