Wing van nasangit sa vertical clearance sa Ungka Flyover; Driver gin-isyuhan sang citation ticket
Maximum penalty nga P5,000 ang pagabayran sang driver nga madakpan nagalabay sa ibabaw sang flyover sa Iloilo City kun ini nagadala sang salakyan nga 3-axle and above, e-bikes, tricycle, kag non-motorized vehicle.
Ini santu sa ordinance 2023-260 ukon “An Ordinance Prohibiting Tricycles, Electric Bikes/Scooters, Pedestrians and Vehicles with Three Axles and Above from Using/Traversing flyovers within the City of Iloilo.”
Ini man ang gin-issue nga citation ticket sa driver sang wingvan nga nasangit sa vertical clearance sang Ungka Flyover kahapon, Disyembre 24.
Apang gin-athag sang author sang ordinansa nga si Councilor Johnny Young, indi na sakop sang iya ordinansa ang Ungka Flyover tungod suno sa iya, kalabanan nga parte sang flyover ang iya sang Pavia LGU.
Magluwas diri ginmuno niya man nga wala pa ginapagamit sa publiko ang nasambit nga flyover sang iya ginduso ang ordinansa.
Ginpanindugan man ni Councilor Young nga na-specify sa ordinansa nga Infante kag Jalandoni flyovers lang ang natumod sini apang sa pag-verify sang Aksyon Radyo Iloilo, pangkabilugan nga “using/traversing flyovers within Iloilo City” ang nasulat sa ordinansa.
Ma-meeting siya, dugang sang konsehal, kaupod kay TTMO head Ret. Col. Uldarico Garbanzos para ipa-clarify sa iya “kun dapat gidman mag-apprehend sila.”
Pero dugang niya, “sa akon pag-inchindi, siguro pag-apprehend nila based sa mga posting (sa area) nga bawal maglabay.” — Aksyon Justice Savannah Pamplona
