Commercial building nasunog sa Baybay Norte, Miagao
ILOILO — Apat ka mga negosyo nga ginalakipan sang computer shop, printing press, balaligyaan sang motorcycle parts kag balaligyaan sang agriculture supply ang nadalahig sa sunog kahapon, Disyembre 30.
Sa apat ka mga negosyo, ang balaligyaan sang agriculture products lang ang may nabilin sa nagluntad nga sunog.
Maswerte nga wala naglaton ang kalayo sa duha pa ka iping nga mga negosyo sa lugar.
Masobra P200,000 ang balor sang kahalitan sa sunog.
