Kisame sang kwarto sa ikaduha nga panalgan sang boarding house sa City Proper nasunog

ILOILO CITY — Nasunog ang kisame sang kuwarto, kag iban pa nga mga gamit sa ikaduha nga panalgan sang boarding house sa Gen. Hughes, City Proper pasado las-10 subong nga aga.

Suno sa tag-iya sang kuwarto, nagkalayo ang iya nga saksakan kag naglaton ini sa kisame.

Suno sa iya, dungan niya nga gin-charge sa amo nga saksakan ang duha ka battery sang iya nga e-bike, kag electricfan.

Base sa inisyal nga pag-imbestigar sang BFP Iloilo City, na-overload ang saksakan kag naglupok. — Aksyon Marvin Malificiar