10 ka mga kandidata sang Miss Iloilo 2025 mapa-indis indis sa pagrampa sa Runway Model Challenge
Mapaindis-indis sa pagrampa ang 10 ka mga kandidata sa Miss Iloilo 2025 nga isa sa mga pre-pageant activities antes ang koronasyon sa masunod nga semana.
Hiwaton ang Runway Model Challenge sa SM City Iloilo Event Center, las-5:30 karon sa hapon.
Ang mga kandidata amo kanday Denielle Orsua sang Jaro, Iloilo City; Coleen Faye Peniero sang Calinog; Karla Marie Dunlap sang Mandurriao, Iloilo City; Elaine Segura sang Guimbal; Karen Nicole Piccio sang Maasin; Frylle Vy Eunice Aguacito sang Cubay, San Enrique; Teshia Kaye Palomo sang Poblacion, San Enrique; Clarise Deocades sang Dumangas; Jenna Mae Parina sang Molo, Iloilo City; kag Rhea Marissa Puyong sang Passi City.
Base sa schedule of activities sang Dinagyang Festival 2025, hiwaton ang coronation night sang Miss Iloilo 2025 sa Enero 11 sa West Visayas State University Cultural Center.
Ginpatemprano ang koronasyon agud makatambong sa nagkalain-lain nga events sang Dinagyang Festival ang mga makoronahan.
