HeadlineLokal

2 patay sang nadisgrasya ang 2 ka motorsiklo sa Sara

ILOILO — Lunsay dead-on-arrival sa ospital ang duha ka drivers sang motorsiklo sang na-disgrasya sa Brgy. Salcedo, Sara pasado la-1:35 sang hapon sang Enero 1.

Suno kay Police Corporal Joven Bajon, imbestigador sang Sara Municipal Police Station, pakadto sa direksyon sang Concepcion ang Kawasaki nga motorsiklo sang nabungguan sang kasugata nga Suzuki Raider nga motorsiklo.

May duha ka angkas ang Kawasaki nga motorsiklo.

Sa imbestigasyon sang police, madasig ang pagpadalagan sang Suzuki Raider nga motorsiklo base sa nakakita nga barangay tanod.

Ginpahayag sang police nga wala na-kontrol sang driver sang Suzuki Raider ang manibela sang motorsiklo sang nagapadulhog sa dalan rason nga nabungguan ang Kawasaki nga motorsiklo.

Wasak ang Kawasaki nga motorsiklo kag nagtabog ang mga sakay.

Nakaagum sang gasgas sa nagkalain-lain nga parte sang ila lawas ang duha ka angkas sang Kawasaki nga motorsiklo.

Lunsay sa ulo ang patal nga pilas sang duha ka drivers tungod sa impact kag wala sang suksok nga helmet suno sa police. — Aksyon Paula Elambayo

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply