Manghod ginlabu ang iya magulang sa Maasin

ILOILO — Pilas sa wala nga kamot ang naagum sang magulang sang ginlabu sang iya manghod sa Sitio Duyan-duyan, Barangay Dagami, Maasin mga las-10 sang gab-i sang Disyembre 31.

Suno kay Police Lieutenant Cyron Empedrad, officer in charge sang Maasin Municipal Police Station, naga-inom-inum ang mag-utod nga naga-edad 40 kag 26-anyos kag isa pa nila ka upod, sa balay sang manghod, sang ginsumbag sang magulang ang iya manghod.

Dugang ni Empedrad, pagkatapos sang natabo, nagtindog naman ang manghod kag nagsulod sa iya balay.

Sa pagdumdom nga wala na para sa manghod ang natabo, kadtuan kuntani siya sang iya magulang para magpangayo pasaylo.

Pagguwa sang manghod sa iya balay, may dala na siya nga binangon kag ginlabu ang iya magulang.

Sa pagpangusisa sang police sa pamilya, maayo ang relasyon sang duha kag ginalantaw nga tuman nga kahulugbon ang rason sang insidente.

Estable na ang kondisyon sang magulang sa ospital samtang preso ang iya nga manghod. — Aksyon Maria Kayla Tingzon